疫情緩和 氣氛正面 新盤緊接登場 50指標屋苑周末預約睇樓上升5.1%

利嘉閣地產研究部主管陳海潮表示，儘管近日股市大幅波動，惟樓市氣氛仍然維持正面，而且多個新盤推出帶旺人流，刺激周末二手屋苑預約睇樓量錄三連漲。根據利嘉閣地產研究部數據估算，全港50個指標屋苑共錄1,435組客戶於周末預約睇樓，按周上升5.1%，連升三周。樓市市底保持強勁，加上本港疫情緩和，料為二手交投帶來支持。

按地區劃分，全港三區指標屋苑的周末預約睇樓量全線造好，其中以新界區升幅較顯著，該區21個指標屋苑本周末暫錄665組客戶預約睇樓，按周上升6.4%。利嘉閣地產沙田第一城分行大圍區高級區域董事黃萬盛指出，經過早前一輪暢旺交投後，沙田第一城放盤選擇開始減少，業主議價空間亦見收窄，屋苑今個月暫錄約3宗買賣，周末預約睇樓量平穩。黃萬盛指出，近日股市較為波動，但樓市氣氛仍然不俗，買家入市心態正面，預計今個月沙田第一城成交宗數可達30宗以上。

至於，港島區8個指標屋苑於周末暫錄255組客戶預約睇樓，按周上升6.3%。利嘉閣地產藍灣半島一行助理分區經理武秉強表示，藍灣半島交投活躍，上月錄得約13宗成交，最近買家積極問價搵盤，氣氛頗為熾熱，周末屋苑預約睇樓量向好。武秉強指出，由於疫情開始緩和，疫苗接種工作亦已展開，買家普遍相信最壞時刻已經過去，故紛紛加緊腳步把握上車機會，而即使業主稍微調升叫價，亦無阻資金追價入市。

九龍區方面，21個指標屋苑於周末暫錄515組客戶預約睇樓，按周增加3.0%。利嘉閣地產昇悅居分行聯席董事張偉基表示，由於區內新盤維港匯近日公布首張價單，難免攤分部分二手客源，故本周末泓景臺預約睇樓量下跌約兩成。張偉基表示，樓市小陽春持續多時，加上疫苗接種計劃正式展開，買家還價幅度略有軟化，單位多數以市價售出。預計未來數周新盤氣氛可望帶動區內二手交投，本月屋苑成交量及樓價均有望受惠刺激向上。

發稿：利嘉閣地產資料研究部