【與利遊新盤】【港島南岸— #晉環 及 #揚海】
想住港島，享受交通方便，但又想遠離都市煩囂？咁黃竹坑站上蓋項目—港島南岸就啱晒你喇！呢個係港島區三十年來最大型嘅綜合發展項目，一推出就全城熱搶，呎價更創下香港仔及鴨脷洲分層戶新高。今日就等我同大家漫遊南區啦！
港島高級住宅地段，港鐵黃竹坑站上蓋，港島南岸嘅六期發展，係市場期待已久嘅高質項目。第一期晉環同第二期揚海景觀非凡，享受到深灣寧靜海景同南朗山開揚山景。
晉環由港鐵同路勁合作發展，一共有兩座、提供800伙。戶型包羅萬有，涵蓋開放式至四房連套房，當然仲有特色單位，實用面積介乎289至2084平方呎，極具氣派。尊貴地段配上頂級會所，健身室、游泳池、按摩池以及兒童遊樂區，為一家大細度身訂造生活享受，至於揚海就由港鐵、嘉里同信和合作，兩幢住宅總共600伙。有齊一房至四房連套房及特色單位設計，實用面積介乎320至1901平方呎。住客會所時尚豪華，室外泳池、健身室梗係唔少得，仲有超過4萬平方呎綠化空間，為生活增添綠色元素！
最令人期待嘅就係51萬平方呎嘅大型基座商場，呢個未來地標有過百間店舖㗎！行街、睇戲、食飯一條龍，到時shopping就零距離啦！家長最關心嘅一定係小朋友學業，南區屬於小學18校網。唔只有傳統名校㗎，仲有唔少著名嘅國際學校比小朋友愉快學習，發掘佢哋嘅天賦潛能！講到交通，南港島綫通車之後，黃竹坑嘅交通網絡全面提升，8分鐘就到金鐘，過埋海去尖沙咀都係16分鐘，仲帶動埋呢區嘅物業升值添！
活化工廈政策亦加速咗黃竹坑轉型做大型商貿區，新起嘅優質商廈令人才集中，增加住屋需求。配合躍動港島南政策，社區全面升級，物業租金同呎價定必節節上升。基建帶動、社區轉型，高質發展項目—港島南岸，你一定要留意！
了解更多:
晉環 South Land 詳情
免責聲明: 以上影片轉載自傳媒機構，旨在提供最新的物業市場資訊，並非有關樓盤廣告。影片中的資料未經核實，本公司不對資料的準確性及/或完整性作出任何保證，以上資料僅作參考用，任何人作出購買決定前應進行實地視察、參閱相關項目的售樓說明書或向相關專業人士查詢。任何人因依賴或根據本影片的資料內容作出購買決定而導致有任何損失，本公司一概不會負責。本公司職員亦不得把影片轉交客戶，對外發送、轉載或用作宣傳或銷售之用，違者將會受到公司及/或地產代理監管局的處分。