【啟德發展區─都市綠色宜居啟德】
「日日住喺個石屎森林好攰啊！」
係咪好想每日返屋企，都可以享受綠色低碳生活呢？
講緊嘅就係啟德發展區，有三成面積都係綠化空間，堪稱城市中嘅綠洲、綠洲中嘅城市！
原來大自然同城市，係可以完美咁融合㗎！
先睇下重點基建項目-啟德體育園，依個香港人嘅體育公園，園區佔地28公頃，仲大過維園9公頃。
除咗有可以容納5000個觀眾嘅公眾運動場，仲有容納到5萬人嘅主場館，相當於紅館4倍，同大量公共休憩空間，勢必成為體育運動現代化地標！
預計於2023年就落成，到時落樓就有國際賽事睇喇！
而近期命名為Park Peninsula嘅啟德跑道區，三面環海、全新綜合多元化地段，擁有全港最大嘅公園！
都會公園 佔地24公頃，係維園嘅1.3倍，公園嘅沿海部分規劃為海濱長廊，附近亦有單車徑同跑步徑。
由Park Peninsula 嘅住宅區，經過未來都會公園入面嘅D3路，就可以直通啟德城中心，有機生活就係話咁易！
行出啲就到前身係啟德機場嘅啟德郵輪碼頭，背靠維多利亞港，能夠全方位觀賞維港風光，美人美景，咩煩惱都一掃而空！
喺石屎森林，想搵個位比主子放電都唔易？
如果你都係愛寵之人，啟德車站廣場同啟德空中花園就啱晒你喇！
合共佔地5.5公頃，加上24小時開放，全天候都可以帶「主子」放電喇！
而且啟德空中花園，以航空為設計主題，模仿機身同機翼嘅造型夠晒特色。
而下面嘅四季行人道，分別種植代表春夏秋冬嘅本地植物，唔同季節都有驚喜！
揉合環保設計，天窗、風力發電機同太陽能板，締造可持續發展綠色社區。
位於啟德站上蓋 ─ 啟德車站廣場同大道公園，就係親子活動聖地！
超大露天廣場、草坪、兒童遊樂場超多設施、繩索橋、鞦韆及滑梯，啱晒小朋友放電！
無得返日本「鄉下」都唔洗太愁，啟德嚟緊都有條地下購物街，仲一啲都唔輸蝕！
連接九龍城、新蒲崗、啟德站及宋皇臺站，全長1500米， 長過心齋橋、長堀通地下街一倍，其中一段仲有望最快2022年落成，到時就可以盡情Shopping！
完善配套，配合綠色低碳社區，無論投資定自住，啟德絕對係九龍中心置業嘅王牌之選！
想搶先一步，知道更多啟德發展資訊，一定要留意利嘉閣網站，下載「利嘉閣真盤源App」，早著先機！
利嘉閣在此提供的資料只供閣下參考，本公司並無採取任何步驟核實有關資料是否合乎實際情況。有興趣者須依賴自己進行查証以確定資料的準確性。本公司不對資料的準確性作出任何明示或隱含的保證。若因錯漏而引致任何不便或損失，利嘉閣概不負責。